打邊爐啦喂～去滾 A Smoking Affair

撞著微涼天氣，火鍋活動又點可以比佢停呢，今次去咗銅鑼灣「去滾」打邊爐🍲環境非常特別，以懷舊主題同3D霓虹燈裝潢作為主題，完美還原舊香港嘅街景！佢哋仲有個露台，有梳化位置可以望到靚靚夜景，未食前就已經影咗很多相喇🤭 芫茜皮蛋豆腐湯 佢哋個menu都別有用心，菜式名稱好有玩味‼️見有好多特色鍋底可以揀，揀咗個清清哋嘅湯底，就係清熱又下火嘅芫茜皮蛋豆腐湯，上枱時芫茜味濃郁，飲落都幾清，而且鮮味得嚟唔會過鹹，鍋內有豆腐、皮蛋、大量芫茜及菇菌類，愈滾愈香😉 五花腩肉片 厚薄及油脂分佈均勻容易灼，一塊有齊五花腩嘅肉層同半肥瘦嘅口感，輕輕灼幾灼轉色就食得，肉質爽口，沾上醬汁食十分惹味🤟 金甲脆魚皮 擺盤好盞鬼，有好多辣椒做背景🌶️係相機食先嘅必叫item👀 每塊魚皮彼上一身金黃戰衣，鹹蛋黃味好突出，香脆嘅鹹蛋黃魚皮輕輕沾上火鍋湯底，落鍋後馬上撈起就保持到魚皮自有嘅脆度同時擁有湯底嘅鮮香；如果魚皮喺火鍋中度過超過十秒嘅時間，魚皮會吸收更多湯汁，魚皮變得Q彈有嚼勁，甚至係就咁當食小食都係一流😚 蟶子皇 呢款蟶子皇真係好犀利，好長好大隻，肉質爽口煮熟後亦唔會過份縮水，建議同烏冬或麵類一齊煮，鮮甜味走曬出嚟，鮮上加鮮😚 鮮肉韭菜餃 餃類係打邊爐不能缺少嘅Buddy，呢度嘅餃皮厚度適中，粒粒脹卜卜，咬開仲好多汁💧 稻庭烏冬 一定要留肚食，好滑好彈牙，配上湯底，好惹味好正～ 油麥菜 新鮮翠綠，啲菜吸收晒個湯底都好好食～而且份量都幾大份！ 竹蔗茅根 一大樽竹蔗茅根入面係肉眼可見嘅材料，清甜解渴～ 繽紛鮮果涼粉鍋 係會出煙嘅涼粉鍋✨好有氣勢！仙氣飄飄好似打邊爐咁嘅效果，涼粉加入芒果、西瓜、哈蜜瓜同花奶，滿滿一鍋非常實在💁更可隨心所欲加入紅豆蓉同椰子絲落去！而且份量真係好多，打完邊爐食返碗即時趕走燥熱感，好滿足！ 🥢去滾 @asmokingaffair.hk #去滾#銅鑼灣#主題火鍋#cwbfood#銅鑼灣美食#新鮮食材#打卡#相機先食#海鮮火鍋#海鮮#蟶子#火鍋#Hotpot#火鍋套餐#打邊爐#打卡able#打卡餐廳#hkhotpot#hotpothk#魚皮#黑毛豬#hkfoodie#foodiehk#hkfood#foodhk#食勻全世界